LA UNION – Sumangsango iti kaso a panaglabsing iti RA 9165 wenno Comprehensive Dangerous Drus Act ti maysa nga baro kalpasan iti naisayangkat a buy bust operation idiay Barangay Raois, Bacnotan, La Union.
Nabigbig ti suspek a ni Rogelio Valin Jr., 18, residente ti Barangay Agtipal.
Immuna ditoy, impatungpal iti nagtipon a puwersa ti Bacnotan Police, Philippine Drug Enforcement Agency (PDEA) Regional Office 1 ken dadduma unit ti kapulisan ti nasao ng operasyon a nagresutla iti pannakakumpiskar manipud iti suspek ti (1) plastic transparent sachet nga naglaon iti mapapati a napagango a bulong ti marijuana fruiting tops a nagatang ti operatiba, (1) sachet iti maatap a napagango a bulong ti marijuana, P500.00 pesos buy bust money, (1) unit ti motorsiklo nga naaramat a kas transportasyon ti suspek.
Iti agdama, agtaltalinaed iti pagbaludan ti suspek ken dagiti nakumpiskar nga ebidensya para iti naan-anay a disposisyon.
