Binigbig ti Guinness World Records ni Nathan Thomas kas kaubingan a college professor iti lubong kalpasan a nangrugi a nangisuro iti Miami Dade College idiay Florida idi Agosto 2023 iti edad a 18 a tawen ken 346 nga aldaw.
Naburak ni Thomas iti nasurok 300 a tawen a rekord ni Colin Maclaurin, a nagbalin a propesor idi agtawen ti 19, ken inartapan na met ti rekord ni Alia Sabur, a nagbalin a propesor iti edad a 18 ken 362 nga aldaw idi 2008.
Rinugian ni Thomas iti dual enrollment na iti Miami Dade College idi agtawen ti 10 ken nayakar idiay Florida International University idi agtawen ti 14. Idi agtawen ti 18, nakaturpos isuna ti master’s degree iti electrical engineering.
Iti agdama, mangisursuro isuna kadagiti online a kurso bayat a mangal-ala ti Juris Doctor iti University of Miami School of Law, no sadino manamnama nga agturpos isuna inton 2028.
Planona iti agpraktis ti intellectual property law a nakapamaysa iti tay-ak ti STEM.###
