LA UNION – Arestado iti 19 nga indibiduwal kalpasan a ni-raid dagiti otoridad iti maipagarop a cybersex den iti TAM building, masarakan iti Barangay 3, San Fernando City, La Union.
Naisayangkat ti operasyon babaen iti nagtipon a puwersa dagiti otoridad nga indaulwan ti Regional Anti-Cybercrime Unit 1 (RACU 1) agarop alas 12:40 idi aldaw kalman ken nalpas ti operasyon iti oras ti alas 4:40 ti malem para iti inventory dagiti nakumpiskar a gadgets.
Iti nasao nga operasyon ket maiyannurot iti search warrant nga impaulog ni Regional Trial Court Branch 34 Executive Judge Asuncion Fikingas-Mandia, a nakapanagan iti maysa nga Andrea Amor Perez Torres, gaputi maipagarop a panaglabsing iti Republic Act No. 10175 wenno Cybercrime Prevention Act of 2012 ken RA 8484 wenno Access Devices Regulation Act of 1998.
Kinumpiskar dagiti otoridad iti 22 a computer units, maysa a server, ken dadduma pay a gadgets nga us-usaren dagiti suspek iti iligal nga aktibidad.
Nakabalud itan dagiti 19 a suspek, a pakaibilangan dagiti babbai ken lallaki, bayat a dagiti nakumpiskar nga arwaten ket naiturong iti Police Regional Office One (PRO-1) para iti umno a disposisyon.
