LA UNION – Naminsan manen a pinadayawan ti Bangko Sentral ng Pilipinas (BSP) dagiti outstanding partners ken stakeholders daytoy, a nakatulong iti panangidur-as ti ekonomiya ditoy lokalidad ken iti intero a pagilian.
Indaulwan ni V. Bruce J. Tolentino, Monetary Board Member ken Chairman iti Board of Judges iti kalkalpas a 2019 Stakeholders Awards Ceremony and Appreciation Lunch for BSP stakeholders para iti Region I ken Cordillera Administrative Region (CAR), a naisayangkat iti Convention Hall, BSP La Union Regional Office, San Fernando City, La Union idi kalman, July 30, 2019.
Binigbig ti BSP dagiti outstanding partners a simmuporta iti naduma-duma nga initiatives ken advocacy programs dagitoy idi napan a tawen, 2018.
Iti tema ti Awards Ceremony ita a tawen ket “One Team One Goal: Resilient Partnership Towards Inclusive Economic Growth.”
Pakabuklan a 19 a partners ken stakeholders iti immawat ti pammadayaw, iti naduma-duma a categorya.
Maysa kadagiti awardee ti Naguilian-LGU kas Outstanding Regional Partner for Coin Recirculation Program (La Union Regional Office).
Naipaayan met ti certificate of recognition iti dua pay nga ili a finalists, iti ili ti Aringay ken Bauang, La Union.
Napadayawan pay kas Outstanding Partner for the Report on Regional Economic Developments in the Philippines (Region I) iti Philippine Statistics Authority (PSA) Regional Statistical Services Office I ken PSA Regional Statistical Services Office CAR.
Impaganetget ni Tolentino a saan a solo nga institusyon ti BSP ngem ketdi kasapolan da unay iti tulong dagiti partner-stakeholders tapno magun-od iti kasapolan a data, para iti panang-determina iti economic growth ken inflation ti pagilian.
Iti seremonya ket maysa laeng kadagiti highlights iti panang-selebrar ti Bangko Sentral ng Pilipinas iti 26th founding anniversary daytoy.
Kadagiti 12 a rehiyon ditoy pagilian, maikadwa iti Region I ken CAR a nakaisayangkatan iti 2019 Regional Awards and Appreciation Ceremonies ti BSP, immuna idiay National Capital Region a naisayangkat idi July 10, 2019 iti BSP Main Complex idiay Manila.
Kabayatanna, ni Acting Municipal Treasurer Algen Gomez iti immawat ti pammadayaw manipud BSP.
Napili ti ili a Naguilian nga awardee kalpasan a nangipamatmat iti panagdur-as babaen kadagiti kanayunan a naipatakder a business establishments.
