LA UNION – Umabot iti 19 a senior citizens ti Barangay Santiago Sur, San Fernando City, La Union iti immawat ti social pension.
Bayat a dagiti dadduma a nataengan a saan pay nga immawat iti nasao a cash aid manipud gobyerno ket waiting list dagitoy a maipaay-to met laeng, segun kenni Manuel Nisperos, nga agdama a Senior Citizens President ditoy syudad ti San Fernando.
Kabayatanna, dackel met ti panagyaman ni Elena Dumaguin, maysa kadagiti social pensioner, agsipudta adda manen ti paggatang na iti agas wenno maintenance ken dadduma pay a kasapolan daytoy.
Iti agdama, iti social pension a nairanta para kadagiti indigent senior citizens ket umaw-awat ti P3,000 every six months.
