LA UNION – Iti laksid ti sangsangwen a pandemya iti COVID-19, pormal a naluktan idi kalman, Disyembre 3 iti maika-19 itan a tawen a La Union’s Fairest 2020 iti maysa a mall ditoy San Fernando City, La Union.
Iti nasao a proyekto nga idaulwan ti Department of Trade and Industry (DTI) ken PGLU ket maysa a One Town One Product (OTOP) ken Tourism Expo nga agpaut agingga December 30, 2020.
Malaksid kadagiti maipag-pannakkel a lokal a produkto iti intero a probinsiya ti La Union kas koma dagiti christmas decor, processed food, furnitures, accessories, bamboo products, ornamental plants, tampok pay ita iti nasao a trade fair dagiti nagduduma a disenyo iti masitera ken facemask a nagbalin a usable ken valuable ita a tawen gaputi pandemya.
Kabuy-buyog metten dagiti nasao a klase ti aktibidad iti pannakaipatungpal dagiti minimum health standard ken health protocols, tapno malapdan iti panagraira ti COVID 19.
