BR LA UNION – Narekobre ti bangkay ti dua a hostage ti Hamas manipud idiay abagatan a Gaza kabayatan iti insayangkat a military operation ti Israeli Defense Forces ken Shin Bet security agency.
Maysa kadakuada ni Yair Yaakov, a pinatay dagiti militante ti Islamic Jihad iti kangitingitn ti terror attack nga indaulwan ti Hamas idi Oktubre 7, 2023.
Ni Yaakov ket agtawen ti 59 idi napapatay, asideg ti Kibbutz Nir Oz ken naiturong ti bangkayna idi agangay idiay Gaza.
Iti partner ni Yaakov ken ti dua nga annakna ket nadukot met laeng, ngem nawayawayaanda idi agangay iti napalabas a hostage agreement.
Kinumpirma pay ti Israel a narekober da iti bangkay ti maikadua a hostage iti nasao a lugar ngem saanda pay nga inruar ti kinasiasino na kas panangrae iti kadawatan ti pamilya.
Iti maysa a statement, inyebkas ni Israeli Prime Minister Benjamin Netanyahu, agraman amin nga umili ti Israel ken ti asawa na, iti pannaki-simpatiya iti pamilia dagiti natay a hostage.
Segun iti grupo, 53 a hostage ti agtaltalinaed idiay Gaza, maysa kadagitoy ti nakabalud sipud pay idi 2014. Idinto a 20 kadagitoy ti mapapati a sibibiag ken 31 ti natay, segun iti Israeli government.
