LA UNION – Dua a kabarbaro kaso ti CoViD-19 iti nailista ditoy probinsiya ti La Union idi kalman, October 8, kas kinumpirma ti DOH Region 1.
Dagiti dua a baro a kaso ket manipud ili ti Rosario ken Santo Tomas, La Union.
Ni Patient No. 10 ket maysa a 41-anyos a lalaki, residente ti Purok 4, Barangay Damortis, Rosario, La Union.
Base iti report, naggapo idiay Manila iti nasao a pasyente ken simmangpet iti nasao nga ili idi maudi a lawas ti Setyembre.
Idi kalman ket kinumpirma dagiti maseknan nga opisyal a positibo daytoy iti COVID 19, base iti resulta ti panagamiris kenkuana.
Iti agdama, iti lugar a pagnanaedan ni Patient #10 ket naipasidong iti total lockdown ken maiwayat met a dagus iti contract tracing.
Kabayatanna, nupay dua iti nailista a baro a kaso, adda met iti 11 a new recoveries.
Kabilang ditoy iti innem manipud ili ti Agoo, 3 manipud ditoy syudad ti San Fernando, ken saggaysa idiay ili ti Naguilian ken Tubao, La Union.
Iti agdama, adda pay iti 59 nga active cases iti intero a probinsiya ti La Union.
