LA UNION – Arestado iti maysa a 25-anyos a lalaki idiay Michigan kalpasan nga impangta na a mangparnuay ti riribok nu mangabak ni sigud nga US President Donald Trump.
Iti suspek a nagpabigbig ti nagan nga Isaac Sissel ket nagpatulod ti mensahe iti FBI National Threat Operation Center idiay West Virginia.
Nakailanad iti mensahe na a mangisayangkat ti panagatake kontra iti conservative christan filth nu mangabak ni Trump.
Nakakabil pay iti nasao a mensahe nga adda tinakaw na nga ar15 a paltog nga usaren na iti panagraut.
Kabayatanna, arestado met ti maysa pay a lalaki iti sabali nga insidente ngem agpada ti makagapo, a nagpatulod met laeng ti ballaag iti FBI National Threat Operations Center ken nadiskubre nga adda link na iti Reddit user account a nang-target kenni Trump idi Sept. 23.
Dagiti dua a Michigan man ket nakabalud dan ken nakatuding a sumango iti korte.
