LA UNION – Dua a lallaki a naabutan ti quarantine ditoy Luzon iti kinupkop iti maysa a residente ti Purok 8, Brgy. Sevilla, San Fernando City, La Union.
Iti interview kenni Magdalena Adriano, kinuna na a nakarikna ti asi kadagiti dua a lallaki, nga arigna nagkatang-katang gaputa awan ti mabalin da a pagdagusan, sipud naiyemplementar ti Enhanced Community Quarantine (ECQ) gaputi covid 19.
Gaputi dayta, nangaramid ti wagas tapno matulongan dagiti dua a lallaki, nga isuda Bitong Aransaso ti Santiago Isabela ken managan Robert a taga San Rafael, Bulacan.
