AGOO – Inarestar dagiti otoridad iti 50-anyos a construction worker idiay Brgy. San Nicolas Central, Agoo, La Union gaputi kaso a frustrated homicide.
Daytoy ket babaen iti bileg ti warrant of arrest, napetsaan ti Agosto 7, 2020 nga impaulog ni Judge Ethelwolda Jaravata, presiding judge ti RTC Br 32 idiay Agoo, La Union.
Iti suspek ket adda itan iti custodiya ti Agoo Police Station para iti umno a disposisyon.
BAGULIN – Inarestar iti nagtipos a puwersa ti Bagulin Police Station ken Baguio Police Station 9 iti maysa a 43-anyos a lalaki ti Barangay Dagup, Bagulin, La Union.
Adda pakainaigan na daytoy iti sangsangwen na a kaso a rape wenno panagrames.
Naarestar ti suspek babaen iti bileg ti warrant of arrest, napetsaan ti Agosto 18, 2020 nga impaulog ni Presiding Judge Jacinto Dela Cruz ti RTC Br 33, Bauang, La Union.
