LA UNION – Dua a Pilipino a mangngalap iti naipadamag a nasugatan kalpasan a bimtak iti engine ti fishing boat asideg idiay Bajo de Masinloc idiay Scarborough Shoal idi Sabado, June 29, 2024.
Daytoy iti impadamag ti Philippine Coast Guard (PCG).
Maibasar iti ladawan nga inruar ti PCG, makita iti dadael ti motor banca.
Nasaripatpatan pay iti lugar ti dua a barko ti China Coast Guard.
Segun iti PCG, ginandat ti China Coast Guard a lapdan iti aramiden da a rescue operations laksid nga imbaga da nga adda iti respondian da nga emergency situation.
Segun kenni PCG Spokesperson Rear Admiral Armand Balilio a maibasar iti waragawag ti kapitan ti BRP Sindangan (MRRV-4407), iti makagapo ti panagbettak ket faulty battery starter motor.
Kalpasan a ma-rescue ti PCG, dagus da nga inturong dagiti biktima a mangngalap idiay Subic Bay.
