LA UNION – Nakailista iti lima a baro a kaso iti COVID 19 ti La Union idi kalman, Agosto 3.
Dagiti tallo a kaso ket agpapada a residente ti Brgy. Sta. Rita Bacnotan, La Union.
Dua iti menor de edad a babbai, agtawen iti 10 ken 12 ken agpada nga asymptomatic idinto a ti maikatlo a pasyente ket 19 -anyos a baro ken symptomatic.
Base iti impormasyon, dagiti tallo ket naaddaan da ti contact kada Bacnotan Patient #3 ken Bacnotan Patient #4.
Kabayatanna, dagiti dua pay a baro a kaso ti COVID 19 a nailista idi kalman ket manipud Philippine Army Engineering Battalion Headquarters a nakabase idiay Brgy. Natividad, Naguilian, La Union.
Miyembro dagitoy iti Philippine Army, agtawen iti 24 ken 25. Agdama dagitoy a naka-admit idiay Naguilian District Hospital.
Malaksid iti lima a kaso ti COVID 19, adda met iti kabarbaro a tallo a nailista a nagimbag.
Dagitoy ket manipud ili a Caba, Bauang ken syudad iti San Fernando.
