Inarestar dagiti otoridad ti dua nga indibidual kalpasan iti insayangkat dagitoy nga anti illegal logging operation ken RA 9175 idiay Barangay Lioac Sur, Naguilian, La Union.
Segun kenni PCI Reynaldo Soria, officer in charge ti Naguilian Police, dagiti masuspetsa ket pakaibilangan ti 27 anyos a baro, ken 58 anyos a mister.
Nakumpiskar manipud kadakuada dagiti naputed-puted a kayo ti acacia ken maysa a chain saw nga awanan ti serial number.
Naiturong met dagiti nasao a kayo iti aywan ti Provincial Environment & Natural Resources (PENRO) para iti naan-anay a disposisyon.
