LA UNION – Indatagen ti pulisya iti kaso a panaglabsing ti Comprehensive Dangerous Act kontra iti dua a suspek a naduktalang nga agik-ikot iti droga kabayatan nga adda dagitoy ti case hearing ti Barangay Langcuas, syudad ti San Fernando, La Union.
Nabigbig dagiti suspek nga isuda Bryan Balcita, 20, residente ti Barangay Saoay; ken ti 16-anyos a barito a residente ti Barangay Lancuas.
Naammuan ti Bombo Radyo manipud iti San Fernando City Police, maipagarup a kabayatan a mangisasayangkat ti case hearing maipapan ti insidente ti panagtakawan iti barangayda ni Kapitan Manuel Flores ket iparruarna ti linaon iti bulsa dagiti suspek kasaruno iti pannakadiskobre iti maysa a sachet ken ti maysa a nakarolyo iti papel a naglaon ti maatap a marijuana
karaman ti maysa a bala ti cal .38 a paltog.
Gapu iti daytoy, dagus nga impaima ti punong barangay iti pulisya dagiti suspek tapno maidatagan ti kaso.
Kabayatanna, dukduktalen met dagiti pulis iti naggapuan dagiti droga a nakompiskar manipud kadagiti suspek.
