LA UNION – Isagsaganan ti pulisya ti kaso kontra kadagiti dua a baro a maipagarup a nangbarsak iti pulis ken naduktalan pay nga agik-ikot iti droga idiay Barangay Biday, syudad ti San Fernando, La Union.
Nabigbig dagiti suspek nga isuda Alfie Palisoc, 24; ken Jack Rowell Pacio, 20, agpada a residente iti Barangay Sevilla iti syudad.
Base iti report manipud ti San Fernando Police, maipagarup a nagparesponde ni PO1 Mark Atang a nakadistino iti nasao a kwerto ti pulisya kalpasan a maipagarup a barsaken isuna dagiti suspek.
Kabayatan iti panagsukimat dagiti pulis kadagiti suspek, maipagarup a naduktalan nga agik-ikot dagiti iti dua a sachet a naglaon iti maatap a shabu.
Adda pay laeng iti pagbaludan dagiti suspek kabayatan a maur-uray iti resolusyon nga iyatnag ti korte maipapan ti sasangsanguen dagitoy a reklamo.
