LA UNION – Sumangsango ita ti kaso a panaglabsing iti Comprehensive on Dangerous Drugs Act kontra iti dua a baro a maipagarup nga aglaklako iti droga idiay Barangay Ilocanos Norte, suidad ti San Fernando, La Union.
Nabigbig dagiti suspek nga isuda Rodel Noto, 18, residente ti nasao a barangay; ken Jess Gagtan, 22, residente iti Barangay Ili Sur ti nasao a suidad.
Naammuan ti Bombo Radyo manipud ti San Fernando City Police, tallo a sachet a naglaon ti maatap a marijuana iti nakompiskar manipud kadagiti suspek, karaman iti P500 cash a nagpaay kas buy bust money ken ti maysa cellphone.
Nakabalud ita iti kwerpo ti pulisya dagiti suspek kabayatan a maur-uray iti pangeddeng ti korte kontra kadagiti suspek.
