LA UNION – Nabugtak met iti sumagmamano a customers ti maysa a videoke bar, idiay Barangay Cares, Pugo, La Union gaputi timpuar a riribok ken insidente ti pammagsol.
Base iti report, nabagsol iti managan Noel Quinio, adda iti umno nga edad, tubo ti Barangay Taloy Sur, Tuba Benguet babaen iti suspek a managan Philip Embirso, 27, baro, residente iti Barangay Cares, Pugo,.
Nagsagaba ti biktima iti tama ti bagsol iti kattigid a paset ti tiyan na ken dagus a naiturong idiay Baguio General Hospital (BGH) para iti pannakataming daytoy.
Kabayatanna, iti suspek ket inarestar dagiti otoridad ken agtaltalinaed iti custodiya ti Pugo Police Station para iti umno a disposisyon.
