LA UNION – Nagsagaba ti pannakadundunor iti dua a driver kalpasan a nagdinnungpar iti minaneho dagitoy a motorsiklo.
Napasamak ti insidente idiay Barangay San Benito Sur, Aringay, La Union agarop alas 5:15 idi malem kalman .
Dagiti biktima ket nabigbig nga isuda Mark Bryan Munar, 31, addaan asawa, residente ti San Benito Norte, Aringay ken Fermin Calica, 27, baro, residente ti Barangay Pudoc, Bauang, La Union.
Base iti report, agpada nga agturong iti abagatan a direksiyon dagiti dua a behikulo idi mapasamak ti panagdinnungpar dagitoy.
Dagiti biktima ket agpada a naiturong iti ospital para iti pannakataming dagitoy.
