Tiniliw ken pinagmulta dagiti otoridad ti dua nga fish vendor a natiliwda idiay Barangay Sta. Rita Sur, Agoo, La Union.
Nabigbig dagitoy nga isuda Reggie Rolloda, 23, baro, ken Marlon Carera, 18, agpada nga residente ti Barangay San Julian West.
Iti panagpatrolya dagiti otoridad nakita dagiti dua nga agilaklako ti lames a munamon a maipagarop nga naala babaen iti bung-bong.
Segun kenni PCI Bernabe Orebillo, hepe ti Agoo Police, dagus met laeng a nawayawayaan dagiti dua kalpasan nga nagbayad dagitoy iti multa a P3,500 pesos para iti panaglabsing dagitoy iti Municipal Ordinance.
