LA UNION – Nakaalerto ita ti pulisya idiay ili ti Agoo ken Sudipen, La Union kalpasan iti nagsasaruno nga insidente iti panangpapatay kadagiti pulitiko idiay probinsya, daytoy ket maiyannurot iti filing ti certificate of candidacy.
Iti pannakiuman ti Bombo Radyo La Union, kinuna ni Atty. Joel Gines, provincial election supervisor a karaman iti nasao nga ili iti tutukan iti Commission on Elections (Comelec).
Maipalagip, maysa nga aldaw ti Barangay ken Sangguniang Elections idi Mayo idi a mapaltugan ni La Union Rep. Franny Eriguel kabayatan nga agbitbitla daytoy idiay ili ti Agoo.
Idi laeng napalabas a lawas ket natambangan met ni Sudipen Mayor Alexander Boquing.
Iti agdama ket agsagsaga metten dagiti pulis a mai-deploy kadagiti ili ti kas kanayunan a tauhan para iti seguridad ti eleksyon.
