LA UNION – Dua kadagiti tallo a babbai a naaktuan nga agsusugal idiay Barangay Sta Rita Sur, Agoo, La Union iti tiniliw dagiti otoridad a nangisayangkat ti anti illegal gambling operation.
Base iti report iti pulisiya, nakalibas iti 39-anyos a misis bayat a nakemmeg iti 57-anyos ken 29-anyos a misis, a naaktuan nga agsusugal ti maaw-awagan a tong-its.
Kinumpiskar met dagiti otoridad iti maysa a set ti baraha ken bet money nga umabot ti P410.00 iti naduma-duma a denominasyon.
Naipasidong iti custodiya ti Agoo Police Station dagiti dua bayat nga an-anopen da iti maysa a naglibas.
