LA UNION – Nag-withdraw iti dua a kumandidato koma para bokal ditoy probinsiya ti La Union.
Naamwan ti Bombo Radyo La Union manipud iti opisina ni Atty. Joel Gines ti Comelec Provincial Office, dagiti dua a nag-withdraw ket isuda Agathon Yaranon III ken Rowena Aromin-Buenavista iti segundo distrito ti La Union ken agpada a miembro ti KBL wenno Katipunan ng Demokratikong Pilipino.
Nupay kasta, adda mang-substitute dagitoy nga agpaibotos met laeng iti nasao a posisyon ken miyembro met laeng ti KBL.
Dagitoy ket isuda Teorfin Tangalin ken Arturo Alitangco Morta.
Ni Yaranon ket nag-withdraw idi pay November 23 bayat a ni Aromin-Buenavista ket idi November 26.
Kabayatanna, ita nga aldaw ti huwebes, November 29, iti intuding a deadline ti Commission on Elections (Comelec) para it substitution wenno panagsukat iti official candidate ti maysa a political party wenno coalition para iti 2019 midterm elections.
Maibasar iti abiso ti poll body, kabilang dagiti kandidato a mabalin a masukatan ket dagiti nag-withdraw, natay wenno na-disqualify.
Nairanta daytoy tapno maisimpa ti Comelec iti listaan dagiti kandidato a maikabil iti balota.
Nupay kasta, nakailanad iti Comelec resolution a napirmaan idi October 1, 2018 a mabalin latta iti susbstitution agingga iti katengngaan ti aldaw ti eleksyon wenno midday, nu iti sumukat ket kaap-apelyido ti kandidato.
Nu malagip, ni President Rodrigo Duterte ket nangipila ti kandidatura babaen iti substitution idi 2016 election kalpasan a nag-withdraw idi iti certificate of candidacy na ni Department of the Interior and Local Government Undersecretary Martin Diño.
Ni Diño ket sigud a Subic Bay Metropolitan Authority (SBMA) chairman ket nadutukan kas DILG Undersecretary for barangay affairs idi September 2017.
