LA UNION – Nangabak kas top rice producer ti dua nga probinsya iti Region 1 kagiddan ti naisayangkat a panagtataripong ti Department of Agriculture (DA) iti Philippine Institute Convention Center (PICC) idiay Pasay City.
Maibasar daytoy iti insayangkat a resulta ti National Screening & Evaluation Team ti DA idi 2016.
Iti nakalap nga impormasyon ti Bombo Radyo iti La Union Provincial Government, iti pannakapili ti probinsya ti La Union ken Pangasinan ket dumanon iti 72% ti kontribusyon dagitoy a bagas iti sibubukel a rehiyon.
Malaksid pay ditoy iti ipatpatungpal nga implimentasyon pang agrikultura ken programa kadgaiti mannalon babaen iti panangipaay ti pondo ken farm equipment manipud iti nasao nga ahensya.