LA UNION – Nadun-dunor iti dua a menor de edad gaputi pannakadungpar da iti motorsiklo bayat ti panagballasiw dagitoy iti kalsada, asideg iti pagadalan idiay Barangay Cabaroan, San Fernando City, La Union.
Nabigbig dagiti biktima nga isuda Erwin Garcia, 7 ken Celwin Garcia, 8, agpada a residente ti Barangay 2 ditoy syudad.
Iti met respondent driver ket managan Ruben Cabrera, 23, baro, residente ti Santiago Norte ditoy met laeng syudad.
Naiturong ken nataming dagiti biktima iti city health office ngem nabalakadan iti maysa kadakuada nga agpaisidong iti x-ray test gaputi impact ti pannakatumba daytoy.
Nupay kasta, napagnumwan ti agsumbangir a kampo nga ibaklay ni Cabrera iti magastos dagiti ubbing iti panagpa-agas dagitoy.
