LA UNION – Naarestar ti dua nga mister kalpasan ti insayangkat nga Anti-illegal drug operation dagiti otoridad iti nagsina a lugar idiay La Union.
Nabigbig dagitoy nga isuda Jack Aquino, 37, newly identified drug, residente ti Barangay Quinavite idiay ili ti Bauang ken Lorenzo Mamba, 52, residente ti Barangay Amlang idiay ili ti Rosario.
Immuna ditoy, nakaawat ti impormasyon dagiti otoridad mainaeg iti maipagarop a panangideliver ni Aquino ti maipagarop nga droga iti ciudad ti San Fernando.
Naala manipud iti posisyon ni Aquino ti (1) sachet ti umano shabu, idinto a (2) sachet ti maipagarop a dried marijuna leaves iti nakumpiskar kenni Mamba ken P100 a buy bust money.
Iti agdama, maisagsagana metten ti kaso a panaglabsing iti RA 9165 wenno Comprehensive Dangerous Drugs Act of 2002 kontra kadagiti suspek.
