LA UNION – Agpada a naiturong iti ospital dagiti dua a motorcycle riders gapu ti sinagrapda a dunor iti bagi kalpasan ti napasamak nga aksidente idiay national highway a masakupan iti Barangay Gana, Caba, La Union.
Nabigbig dagiti biktima nga isuda Jun Oribello, 29-anyos; ken Stephen Mapalo, 31-anyos, agpada a mekaniko a residente iti Barangay San Benito Norte, Aringay, La Union.
Base ti inisyal nga imbestigasyon ti Caba Police Station, nagsaruno dagiti dua a motorcycle riders a daldalyasaten ti nasao a kalsada idi a nadungpar ni Oribello ti maysa a wagon a kukua ni Ruben Abellera nga umum-uneg iti garahe.
Gapu iti daytoy, nadalapus met ni Mapalo iti motorsiklo ni Oribello isu a nairaman isuna ti aksidente.
Kabayatanna, ur-urayen met ti pulisya iti panggeddeng dagiti masiknan nga indibidual para ti pagbanagan iti napasamak no addaan ti panggep dagitoy a mangidatag ti kaso.
