LA UNION – Naglak-am iti sugat ti bagida ti maysa a tricycle driver ken ti konduktor iti bus kalpasan a matupakan dagitoy iti dakkel a puon ti Ipil-ipil dagiti nasao a lugan iti kawatiwatan ti national highway idiay Barangay Payocpoc Sur, ili ti Bauang, La Union.
Sigun iti bus driver a ni Antonio de Guzman, agturturongda idiay syudad ti Dagupan, Pangasinan idi a natumba ti nasao a kayo a kadakdakkel iti dua a bagi ti tao.
Nakuppit iti bubong ti manmanehuenna a bus ken nasugatan iti konduktorna.
Nagasat met dagiti pasahero ti bus gapu ta awan iti nasuagatn iti insidente.
Kabayatanna, naiturong met iti ospital ti tricycle driver a ni Leapyearito Laeno kalpasan a nairaman daytoy a natupakan ti kahoy.
Dagus met a nangisayangkat iti clearing operation dagiti otoridad iti nasao a lugar. (AbsFlores)
