LA UNION – Dua iti natay ken dua met iti nasugatan iti napasamak a panagdimnnungpar iti dua a motorsiklo iti kawatiwatan ti Mc Arthur Highway idiay Barangay Sta. Barbara, Agoo, La Union.
Naideklara a dead-on-arrival iti La Union Medical Center (LUMC) iti nagmaneho ti maysa a motorsiklo a ni Roxanne Pascual, 21-anyos, balasang, residente ti Barangay Sta. Teresa, Tubao, La Union ken iti backride ti maysa pay a motorsiklo a ni Generoso Espino, 40-anyos, addaan asawa, ti Mt. Datacliff Bauco, Mt. Province.
Nasugatan met iti insidente ken agtultuloy a maag-agasan iti ospital iti backride ni Pascual a ni Judy Ann Estoesta, 21-anyos, ti Barangay Ammalapay, Tubao ken iti driver ti maikadwa a motorsiklo a ni Reza Naranjo, 33, baro, ken residente ti Poblacion, Binalonan, Pangasinan.
Base iti report, agsinnabat dagiti dua a motorsiklo ken naggapo iti agsumbangir a direksiyon idi nagdinnungpar dagitoy iti maipagarop a pakurbada a paset ti kalsada.
Agpada met a naglak-am iti nakaru a pannakadadael iti dua a motorsiklo gaputi nakaru nga impact ti aksidente.
