LA UNION – Dua a tattao ti natay bayat nga 68 dagiti nasugatan kalpasan a dimmungpar ti kotse iti natao a lugar idiay Germany.
Makomikom dagiti tattao nga aggatang iti maysa a Christmas Market idiay Magdeburg idi dimmungpar ti kotse.
Gaputi insidente, naipurwak iti dadduma a biktima ket naiturong dagitoy iti ospital.
Inaresto dagiti otoridad iti suspek a driver.
Iti insayangkat nga imbestigasyon dagiti otoridad, maysa a Saudi doctor iti driver nga adda idiay Germany sipud pay idi 2006.
Kinordonan dagiti otoridad iti aglawlaw ti lugar a nakapasamakan ti insidente bayat nga agtultuloy iti imbestigasyon.
