LA UNION – Dua iti baro a nailista a COVID 19 recoveries ditoy probinsiya a La Union wenno pakabuklan itan nga 6 dagiti naimbagan iti sakit.
Base iti COVID-19 Case Bulletin a napetsaan ti April 14, 2020 nga inruar ti DOH-Region 1 ken Provincial Health Office, dagiti naimbagan a COVID patients ket pakaibilangan iti 66-anyos a babae manipud Barangay Lingsat ditoy syudad ti San Fernando.
Iti maikadwa ket ni Sangguniang Bayan Member (SBM) Donna Crispino ti ili a Caba, kalpasan a nag-negatibo iti dua a nagsaruno a resulta ti test daytoy.
Kabayatanna, iti asawa ni konsehal Crispino a ni Caba Mayor Philip Crispino ket ur-urayen na pay laeng iti maikadwa a consecutive test result kalpasan a negatibo iti immuna a test daytoy.
Mainaig ti daytoy ket maragsakan iti PGLU nga idaulwan ni Gov. Pacoy Ortega iti nasao a latest report, ngem itultuloy laeng kunana nga ipatungpal ken agtungpal kadagiti annuruten tapno maprotektaran kontra iti COVID 19.
Iti agdama, agtaltalinaed a 14 dagiti confirmed cases ditoy La Union, innem dagiti naka-recover; uppat dagiti natay; ken 589 iti suspect cases.
