LA UNION – Inaresto dagiti otoridad iti dua nga illegal loggers idiay Sudipen, La Union.
Daytoy ket kalpasan a naaktuan dagiti suspek nga agput-puted iti kayo ti acacia idiay Barangay Sengngat, Sudipen, La Union.
Nabigbig dagitoy nga isuda Orlando Motilla, 40 ken Fredimar Conde, 27, agpada a agindeg ti nasao a lugar.
Segun kenni PSI Dominador Apostol II, hepe ti Sudipen Police Station, kaso a panaglabsing iti PD 705 wenno illegal logging iti sangsangwen a kaso dagiti suspek.
Maibasar iti impormasyon, aganay 823 bd. ft. iti natabla a kayo ti acacia ken mapatta-patta nga agbalor ti P20,575.00 iti kinumpiskar dagiti otoridad.
Dagiti nasao a kayo ket nai-turnover metten iti custodiya ti Provincial Environment and Natural Resources (PENRO) La Union para iti umno a disposisyon.
