LA UNION – Dua nga inmate ti New Bilibid Prison (NBP) manipud La Union a nawaya-wayaan babaen ti GCTA law, iti simmuko idi kalman kadagiti triotoridad ken nagderetso dagitoy iti Bureau of Correction (BuCor) idiay Manila.
Kinumpirma iti Bombo Radyo La Union ni P/Maj Silverio Ordinado, police relations officer ti La Union Police Provincial Office (LUPPO), iti maysa nga inmate ket manipud Barangay Alaska, Aringay, La Union a nakaaramid ti heinous crime bayat a ti maysa ket manipud met Barangay Duplas, San Juan, La Union nga addan ti kaso a frustrated homicide ngem naipaayan ti waya-waya babaen ti GCTA.
Manipud iti immuna a nai-report a 12 a bilibid detainees nga addan ti kaso a nakaam-ames a krimen, iti kasapolan a sumuko manipud La Union, nagbalin a 13 kalpasan a simmuko iti inmate manipud ili ti Aringay.
Dagiti dadduma nga NBP inmates ditoy probinsiya ket manamnama a sumuko iti sumaganad nga aldaw sakbay nga agleppas ti 15-days nga intuding a deadline ni Pres. Rodrigo Duterte.
