LA UNION – Dead on arrival iti ospital ti dua nga agkabsat kalpasan a makuryente dagitoy iti panangtiliwda ti tukak idiay Barangay Namboongan iti ili ti Sto. Tomas, La Union agarop alas-6:00 idi rabii.
Nabigbig dagiti agkabsat nga isuda Bryan Jay, 13-anyos; ken John Prince Carbonell, 11-anyos, agpada nga residente ti Barangay Lomboy iti nasao nga ili.
Base iti report nga nakalap ti Bombo Radyo manipud iti Sto. Tomas Police Station, kabayatan nga agliwliwliw ti tukak dagiti biktima ket nagaw-is dagitoy ti ‘live wire’ wenno linya ti kuryente iti poultry farm a kukua ni Adonis Robles.
Maipagarop nga naigagara a naikabil ti kable ti kuryente tapno maprotektaran ti poultry kontra iti agtatakaw.
Iti agdama, agtultuloy iti imbestigasyon ti pulisya tapno maamuan no adda pagsungbatan iti linteg iti makinkukua ti nasao a farm.
