LA UNION – Naragsak itan a kadwa iti pamilya da dagiti dua nga Overseas Filipino Worker (OFW) a nakaawiden idiay Balaoan, La Union idi rabii.
Daytoy ti kinumpirma iti Bombo Radyo La Union ni Pol. Major Jeffrey Sanchez, chief of police idiay ili ti Balaoan.
Nabigbig dagitoy nga isuda Monalisa Mamaril, residente ti Barangay Paraoir, naggapo idiay Hong Kong ken Imelda Ordinario, residente ti Barangay Sinapangan Sur ken naggapo idiay Kuwait.
Segun kenni Major Sanchez, sinukon ti OWWA dagiti nasao nga OFW idiay Manila, sinabat ti PGLU, idinto a ti Balaoan Police Station iti nangitulod kadagitoy iti lugar da.
Maipalagip nga immandar ni President Rodrigo Duterte a paawidenen iti kabiitan a panawen dagiti OFWs a nabayagen a nakatambay kadagiti quarantine facility, nu laketdi dagitoy ket negatibo iti covid 19.
