LA UNION – Agtultuloy iti imbestigasyon ti Bureau of Fire Protection (BFP) San Juan tapno amwen ti pakabuklan a danyos iti dua a silid-pagadalan ti Naguituban Elementary School idiay Naguituban San Juan, La Union a nauram idi kalman.
Naamwan nga awan ti naisalbar nga arwaten manipud iti dua a classroom ken kabilang pay a nauram iti arwaten dagiti estudyante iti Grade 1 ken Grade 2 ken iti arwaten dagiti mangisursuro.
Kabilang dagiti dimmapo nga arwaten ket iti computer units, telebisyon, textbooks, electric fan, tugaw ken lamisaan iti pagadalan ken dadduma pay.
Iti eksklusibo nga interview ti Bombo Radyo La Union kenni Principal Marlina Cariño, inaklon na a nataranta da idi ipaka-ammo kadakuada iti dua nga estudyante a maur-uram iti kuwarto dagitoy, kalpasan a nakita da nga immasok ken rimuar ti apoy iti saksakan ti electric fan.
Napasamak ti insidente pasado alas 12:00 ti aldaw idi kalman.
Nagresponde iti naduma-duma a fire department nga indaulwan ti San Juan BFP ngem naudin ti amin agsipudta naan-anayen a dimmapo dagiti dua a classrooms.
Base iti initial report dagiti otoridad, electric overload ti makagapo iti insidente.
Nupay kasta, awan met ti nailista a nasugatan iti nasao a pasamak.
