LA UNION – Isagsaganan ti pulisya ti kaso a maidatag kontra kadagiti dua a surrendered drug personalities a maipagarop nga aglaklako iti droga idiay Barangay Pagdaraoan, syudad ti San Fernando, La Union.
Nabigbig dagiti suspek nga isuda Gio Nathania Cabanban, 18, residente ti Barangay Sinapangan, ili ti San Juan; ken Aljon Librado, 21, residente ti Barangay San Vicente, syudad ti San Fernando, La Union.
Iti report a nakalap ti Bombo Radyo iti San Fernando City Police, innem a sachet a naglaon iti maatap a marijuana ken P500 a buy-bust money ti nakompiskar manipud kadagiti suspek.
Naammuan a siguden a simmuko babaen ti Oplan Tokhang dagiti dua.
Kaso a panaglabsing iti Comprehensive on Dangerous Drugs Act ti reklamo iti mabalin a sanguen dagiti suspek. (Abs Flores)
