LA UNION – Magagaran nga agawid iti bukodda a pagtaengan dagiti dua a taga-La Union a naabutan iti lock down idiay probinsya iti Rizal gapu iti epekto ti COVID-19 pandemic.
Iti pannakiuman ti Bombo Radyo kenni Mark Ray Casugay, residente iti syudad ti San Fernando ken Fidel Anali, residente iti Naguilian, La Union, kinunada nga nagkuyogda a nagturong idiay Rizal tapno agtarimaan iti balay.
Ngem saanda a namnamaen a maabutan dagitoy iti lock down isu a saanda a nakaawid.
Awan met iti parikot kinunada maipapan iti taraon ngem magagarandan a makaawid ti bukodda a pagtaengan.
