LA UNION – Arestado iti dua a tattao gapu iti panaglabsing iti maipatpatungpal ita a liquor ban iti sidong ti Omnibus Election Code.
Immuna nga inaresto dagiti pulis, babaen iti panagipulong kadakuada iti kaarruba na, iti suspek a nabigbig iti nagan a Venus Alejo, 27, maysa nga store owner ti Barangay Upper Tumapoc, Burgos, La Union, gaputi maipagarop a panaglako na ti makabartek nga inumen ket iti maysa pay a menor de edad.
Iti maikadwa nga inaresto dagiti agpat-patrolya a pulis ket maysa a driver ti 6-wheeler truck, managan Jimmy dela Cruz, 50, balo, ken residente ti Barangay Boy-utan, Bauang, La Union.
Base iti report, nadlaw dagiti otoridad iti maipagarop a paekis-ekis a taray ti man-manehuen a trak ni dela Cruz, iti barangay road ti Boy-utan.
Nasita iti driver kasaruno iti pannakaiturong na idiay Naguilian District Hospital, ket nagpositibo daytoy iti AB examination.
Dagiti dua a naipasidong iti custodiya ti PNP ket sumangsango ita iti maiyannatop a multa ken posible a mapatawan ti saan a lumbes nga 6 a tawen a pannakaibalud.
