LA UNION – Naibalud iti San Fernando City Police Station iti dua a lallaki gaputi maipagarop a gandat a panagtakaw da iti kinarton a gatas, manipud iti warehouse a pagtrab-trabahuan dagitoy.
Maibasar iti police report, nabigbig dagiti suspek nga isuda John Allen Dulay, 25, baro, tubo ti Damortis, Rosario, La Union ken Jaime Pastores, 24, addaan ti asawa, residente ti Purok 6, Barangay Sevilla, San Fernando City ken agpada a trabahador iti Napintas Logistics and Distribution Inc. warehouse iti Barangay Parian, San Fernando City, La Union.
Maibasar iti report, nakita ti security guard a managan Johnny Belquiso a bagbagkaten ni Pastores iti maysa a karton ti gatas nga ilugan na koman iti delivery truck ti warehouse.
Inaklon ni Dulay a kadwa na iti plano a panagtakaw ni Pastores.
Mapatta-patta a nasurok P80,000.00 iti balor dagiti gatas a gandat a takawen dagiti suspek.
