Boluntario nga insuko ni Senador Ronald “Bato” Dela Rosa iti Philippine National Police (PNP) idiay Davao City dagiti 20 kadagiti nakarehistro a paltog na kalpasan a maibabawi iti lisensya ken rehistro ti paltog.
Segun ti pulisya, dagiti paltog ket adda iti kustodiya ti Regional Civil Security Unit 11 para iti safekeeping.
Adda ti iggem ni Dela Rosa a Type 5 License to Own and Possess Firearms (LTOPF), ken pakabuklan a 117 a paltog a nakarehistro ken nakapanagan kenkuana iti nabilin a maisuko.
Ti revocation order a nairuar idi Mayo 26, 2026 ket maitunos iti Republic Act No. 10591 ken kasaruno iti direktiba ti Department of Justice (DOJ) nga ipatungpal iti International Criminal Court (ICC) arrest warrant kontra iti senador mainaig ti kaso a crimes against humanity.
Agtalinaed iti kustodiya ti PNP dagiti naisuko a paltog bayat a maisaysayangkat iti umno pannakadisposision.###
