LA UNION – Impanamnama ni San Juan, La Union Municipal Mayor Arthuro Valdriz nga adda pay iti sag-10 kilos a bagas iti maiwaras kadagiti pamilya nga agkasapulan iti masakupanna nga ili kabayatan nga agraraira ti enhance community quarantine (ECQ).
Kinuna ni Mayor Valdriz, 500 cavans laeng iti naawat ti munisipyo manipud iti National Food Authority ngem immunan a naiwaras dagitoy.
Agkasapulan pay kinunana iti ili ti 2,000 cavans a bagas tapno maikkan dagiti agkasapulan.
Sigun kenni Valdriz, ur-urayenda laeng nga i-deliver iti NFA ti nasao nga order a bagas gapu ta madama iti panangkiskis kadagit irik.
Kabayatanna, iti agdama, base ti monitoring iti San Juan Municipal Health Office, 225 a residente ita ti naka-quarantine ken 655 a person under monitoring iti naglipas iti 14 days quarantine.
10 a person under investigation iti naka-home quarantine, dua iti adda ti ospital, kabayatan a pito dagiti naimbagan wenno nakaruaren iti pagagasan.
Agtaltalinaed a maysa met iti bilang ti natay gapu ti COVID-19 ti nasao nga ili.
