Inwaragawag ni Senator Panfilo “Ping” Lacson a kabilang iti 2024 ken 2025 General Appropriations Act (GAA) a worst national budget iti pakasaritaan ti Pilipinas kalpasan nga indeklara ti Korte Suprema nga unconstitutional iti sumagmamano a paset daytoy.
Maipalagip a nagdesisyon ti Korte Suprema nga ideklara iti sumagmamano a probisyon iti 2024 ken 2025 national budgets—partikular dagiti unprogrammed funds ken dadduma pay a realignments— a mailabsing iti Konstitusyon.
Inyarig ni Lacson ti sitwasyon iti kontrobersyal a Disbursement Acceleration Program (DAP) idi 2013 nga indeklara met laeng ti Kangatuan a Pagukuman kas unconstitutional.
Segun kenni Lacson, naipanawen iti desisyon ti Korte Suprema bayat nga ad-adalen ken irep-repaso ti Senado iti gakat a 2027 General Appropriations Bill (GAB).
Inlawlawag ti senador a saan a miyembro isuna ti Senado idi napasingkedan dagiti nasao a badyet para iti tawen 2024 ken 2025, ken impaganetget na iti kasapolan a nair-irut a pagrebbengan iti panangusar ti pondo ti pagilian.
