Intuding iti Kangatuan a Hukom wenno Korte Suprema ti panangiruar iti 2025 Shari’ah Special Bar Examinations (SSBE) ita nga aldaw ti Mierkules, Hulyo 23, 2025.
Segun iti waragawag ni Supreme Court Spokesperson Attorney Camille Sue Mae Ting, maangay daitoy iti ala-una ti malem a maipablaak met kadagiti nagduduma a social media platforms ti Korte Suprema.
Idi kalman kuma wenno aldaw ti Martes, Hulyo 22, 2025 ti pannakairuar ti resulta ti eksaminasyon ngem gapo iti dakes a kasaad ti paniempo ket temporario daitoy a nakanselar.
Kabayatanna, ita nga aldaw ket idauloan ni Associate Justice Antonio T. Kho Jr, Chairperson ti 2025 Shari’ah Special Bar Examinations ti panangiyanunsyo ti resulta, exam statistics, ken dadduma pay a napapateg a detalye.
Iti agdama a tawen ket aganay 600 dagiti kandidato a nangala iti eksaminasyon babaen iti digital platform iti kaunaan a wagas idi bulan ti Mayo.
