Aprobadon iti maikatlo ken maudi a panagbasa ti singasing nga House Bill No. 4058 wenno ti 2026 General Appropriations Bill (GAB) babaen iti botos a 287 nga affirmative, 12 negative, ken dua a nag-abstain.
Maibasar iti records ti plenary, dagiti dua a nag-abstain ket isuda Representative Harold James Duterte ken Representative Kiko Barzaga.
Segun kenni House Committee on Appropriations Chairman Representative Mikaela Suansing, iti 2026 general appropriations bill ket responsize iti pagkasapulan ti umili a pudno nga impannakel ti 20th Congress.
Impaganetget ni Suansing nga iti P255 billion a pondo manipud kadagiti flood control projects ket naiyalis kadagiti tallo a napapateg nga sektor a dinakamat ni Presidente Ferdinand Marcos Junior nga edukasion, salun-at, ken agrikultura.
Impasigurado met ti kongresista nga awanen dagiti flood control projects, rangtay, ken dadduma pay a maguyod manipud ti Unprogrammed appropriations.
Saan a karaman iti P6.973 Trillion iti pondo ti UA a kayat na a satuen ket awan iti pondo ti unprogrammed appropriations iti 2026 budget.
Innayon na pay a siguraduen ti kongreso a saan a maabuso iti UA ti 2026 ken kadagiti sumarsaruno pay a tawen.###
