Inaprobaran ti Senado ti ₱6.7 trillion 2026 national budget iti maikatlo ken maudi a panagbasa kalpasan a pinaboran dagiti 17 a senador.
Segun kenni Senate Finance Committee Chair Sherwin Gatchalian, maysa kadagiti panagbalbaliw ket iti pannakakissay ti budget ti Department of Public Works and Highways (DPWH) a nababbaba ngem ₱50 billion no idilig iti bersion ti House of Representatives.
Nakatipid iti gobierno ti ₱50 Billion gapo iti addang a mangpababa iti balor dagiti construction materials.
Impangato da met iti budget para iti sektor ti edukasion ken salun-at.
Makaawat ti National Disaster Risk Reduction Management Fund ti pondo a ₱14.82 billion tapno suportaran iti recovery dagiti disaster-stricken areas wenno dagiti lugar a dinadael ti didigra.#
