Magagaran ita ti 20th Congress ti Kamara isu nga awan iti oras wenno panawen da a patulan dagiti pananginsulto kasta met dagiti panangbabalaw.
Segun kenni Bicol Saro Party-list Representative Terry Ridon, chairman ti House Committee on Public Accounts, ket adu unay iti araramiden ti Kamara ita a Kongreso karamanen iti panangdakamat ti 2026 proposed national budget ken panangrugi dagiti dadakel a hearing kasta met dagiti agtultuloy nga imbestigasyon dagiti extrajudicial killings, ilegal a droga, ken Philippine Offshore Gaming Operators babaen ti Quad Committee version 2.0.
Kinuna ni Ridon a laksid ti panangbabalaw dagiti dadduma a Senador kenni House Speaker Martin Romualdez ken ti liderato ti Kamara ket binilin na dagiti Kongresista a ketdi ket aramiden laeng dagiti trabaho da.
Aminado pay ti mamanday-linteg a setback wenno panangtantan iti progreso ti Kamara iti pannaka-archive ti articles of impeachment kontra kenni Bise Presidente Sara Duterte ngem kinunana a pinaneknekan da laeng a saan da a palampasen dagiti dapat ket agsungbat iti pondo ti pagilian.
