LA UNION – Naipilan ti kaso a frustrated homicide iti opisina ti Asst. Provincial Prosecutor idiay Bauang, La Union maikontra iti 21-anyos a baro a suspek ti napasamak a pammagsol idi Abril 16, 2017 idiay Barangay Santiago Bauang, La Union.
Iti nasao a kaso ket naidatag kontra iti managan Terence Suniega dela Cruz.
Maipagarop a binagsol ti suspek iti biktima, a managan Crisanto Estepa Gapasin, 21-anyos, gaputi panangsutil kenkuana ti naud-udi, bayat a nakailad daytoy ken nag-iinom da iti balay ti maysa met laeng a gayyem dagitoy.
Iti suspek ket agtaltalinaed iti kustodiya ti Bauang Police Station gaputi pannakapaay na nga agbayad iti nairekomenda a piyansa, nga umabot ti P50, 000. 00
