LA UNION – Dead-on-arrival iti ospital iti maysa a motorcycle rider kalpasan a naaksidente idiay Barangay Ballay, Bauang, la Union agarop alas 5:30 idi malem kalman.
Iti biktima ket nabigbig iti nagan a Jeff Liares Cayanan, 21, baro ken residente ti Barangay Central West ti nasao met laeng nga ili.
Nagpasar met ti pannakadun-dunor iti bagi ti backrider a managan Jeffrey Biason , 20, taga Barangay Urayong, Bauang.
Maibasar iti police report, iti motorsiklo ket dumaldalyasat iti kawatiwatan ti kalsada nga agturong iti laud a direksiyon idi kellaat a na-lost control iti manibela ti driver, agingga a naidungpar da iti steel railing.
Kas resulta, nagsagaba ti nakaru a pannakadun-dunor iti bagi ken ulo ti biktima a puon ti nakatayan daytoy idinto a ti backride ket naiyakar iti Ilocos Training and Regional Medical Center (ITRMC) para iti naan-anay a pannakataming daytoy.
