Pinaayaban ti Philippine National Police (PNP) Criminal Investigation and Detection Group (CIDG) dagiti 21 nga indibidwal tapno mangipaay ti palawag seknan iti nakumpiskar nga iligal a droga idiay Laos a maiturong koma ditoy Pilipinas.
Segun kenni PCol. Allen Rae Co, hepe ti Public Information Office (PIO) ti PNP, nairanta daytoy tapno maamwan ti palawag da.
Inlawlawag pay ni Co a saan a kaipapanan a karaman dagitoy iti krimen.
Ti nasao nga addang ket paset ti imbestigasyon dagiti otoridad iti nakumpiskar a 521 kilogram a shabu idiay Laos.
